काठमाडौं, नेपाल प्रहरीले निक्कै पेचिलो बन्दै गएको कञ्चनपुरकी बालिका निर्मला पन्तको बलात्कारपछि भएको हत्यामा एक युवालाई राजधानीबाट प्रक्राउ गरेको छ । हत्याकाण्डको छानविनपछि प्रहरीले उनलाई खोजीको सूचिमा राखेपनि प्रक्राउ गर्न सकेको थिएन् ।

हत्या काण्डमा संलग्न रहेको आशंकामा प्रहरीको केन्द्रीय अनुसन्धान ब्यूरो सीआईवीले एक युवकलाई काठमाडौंबाट पक्राउ गरेको हो । कञ्चनपुर घर भएका २२ बर्षीय युवकको परिचय भने प्रहरीले गोप्य राखेको छ । बलात्कारपछि हत्या गरिएको अवस्थामा बालिकाको शव गत साउन ११ गते फेला परेपछि उनी कञ्चनपुरमा नदेखिएको सीआईवीको दावी छ । परिवारका सदस्यले भने युवक भारत गएको प्रहरीलाई बयान दिएका थिए । तर सीआईवीको टोलीले उनलाई मंगलबार साँझ काठमाडौंबाट पक्राउ गरेको हो । प्रहरीले ती युवकलाई सार्वजनिक भने गरेको छैन ।

प्रहरी उच्च स्रोतका अनुसार ती युवकको डीएनए परिक्षणका लागि नमुना समेत संकलन गरी विधि विज्ञान प्रयोगशालामा पठाइएको छ । डीएनए रिपोर्ट नआएसम्म युवक हिरासतमा रहने प्रहरीले जनाएको छ । कञ्चनपुर काण्डमा युवकको भुमिका शंकास्पद देखिएको र उनी यसअघि पनि आपराधिक गतिविधिमा संलग्न रहेको अनुसन्धानमा खटिएको ब्यूरोको दावी छ ।

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय