मंसिर २। सुशील आले मगर । रामपुर पाल्पा ।
पाल्पाको रामपुरमा यहि पुष २७ गते देखि माघ ८ गतेसम्म दोस्रो रामपुर ब्यापार महोत्सव हुने भएको छ।रामपुर उद्योग बाणिज्य संघ रामपुर पाल्पाको आयोजनामा महोत्सव हुने भएको हो।संघको आज बसेको बैठकले दोस्रो रामपुर ब्यापार महोत्सवको आयोजना गर्ने निर्णय गरेको छ।
संघका अध्यक्ष भोजेन्द्र प्रकाश ढकालको अध्यक्षतामा संघको भएको बैठकमा संघका सल्लाहकार सदस्य राजु प्रसाद श्रेष्ठ,कमलराज भट्टराई ,कानुनी सल्लाहकार लेखनाथ शर्मा मरासिनी ,प्रेस सल्लाहकार बासुदेब ढकाल लागायतले बोल्दै महोत्सव सफल पार्न सबैजना आ-आफ्नो तबरले लाग्नु पर्ने बताउनुभएको छ।
बैठकले महोत्सव भब्य र सभ्य रूपमा सफल पार्न अध्यक्ष भोजेन्द्र प्रकाश ढकाल संयोजक रहेको १५१ सदस्यीय महोत्सव मुल आयोजक समिति गठन गरेको छ।यस्तै बैठकले ३५ सदस्यीय उपसमिति समेत गठन गरेको छ।
संघको कार्यालय रामपुर नगरपालिका वडा नम्बर ५ नहर अफिस लाइनमा भएको कार्यक्रमको संचालन संघका महासचिव पुरुषोत्तम केसीले गर्नु भएको हो।
