पुनाराम सुनारी पाल्पा-गौरीशंकर माध्यमिक विद्यालय निस्दी ४ मित्याल पाल्पाको ६१ वार्षिकोत्सब सम्पन्न भएको छ । विद्यालय व्यवस्थापन समितिका अध्यक्ष भुपिन्द्र सुनारीको अध्यक्षतामा भएको वार्षिकोत्सबको निस्दी गाउँपालिका अध्यक्ष मुक्त बहादुर सारुले उद्घाटन गर्नुभएको थियो ।

शिक्षक दन बहादुर सोमैको स्वागतबाट शुरु भएको समारोहमा प्रधानाध्यापक केश बहादुर सुनारीको प्रतिवेदनमा सुनारीले आर्थिकवर्ष २०७७,०७८ को कुल १ करोड ३० लाख ८० हजार ८ सय ५१ रुपैयाँको आम्दानी खर्च विवरण सार्वजनिक गर्नुभयो ।
समारोहमा अध्यक्ष सारु, उपाध्यक्ष रिता कुमारी अर्याल, प्रमुख प्रशासकीय अधिकृत राजु नेपाल , मित्यालका कार्यवाहक वडा अध्यक्ष मन प्रसाद सोती, शिक्षा शाखा संयोजक नर बहादुर थापा लगायतले शुभकामना मन्तव्य राख्नु भयो ।

समारोहमा गत शैक्षिकसत्रमा पुरस्कृत विद्यार्थीलाई पुरस्कार वितरण ,विभिन्न अक्षयकोषको छात्रवृत्ति समेत वितरण त्यसैगरी उत्कृष्ट शिक्षक तथा विद्यालयलाई सहयोग गर्नुहुने व्यक्तिहरुलाई सम्मान विद्यार्थीहरुको सांस्कृतिक कार्यक्रम गरि वार्षिकोत्सव सम्पन्न भएको थियो । कार्यक्रमको संचालन विद्यालयका सहायक प्रधानाध्यापक किरणबाबु सुवेदीले गर्नुभएको थियो ।