४ चैत , २०७७ , बुधबार
बन्दना पोखरेल / पाल्पा – रामपुरमा चैत १२ गतेदेखि चौथो इस्लामपुर कप क्रिकेट प्रतियोगिता हुने भएको छ ।
इस्लामिक सक्रिय युवा समाजको आयोजनामा इस्लामपुर कप सिजन चार हुने भएको हो । बुधबार पत्रकार भेटघाट कार्यक्रममा इस्लामिक धर्म अनुसार आफ्नै शैलिमा कुरानका केहि हरफ उपाध्यक्ष निसार अहमदले पढेर कार्यक्रमको सुरुवात गरिएको थियो ।
यहि चैत्र १२ गतेदेखि इस्लामपुर कप सिजन चार नक आउट टि २० सिस्टममा क्रिकेट प्रतियोगिता हुने भएको समाजका अध्यक्ष ल्याकत अलिले जानकारी गराउनु भएको छ । खेल क्षेत्रमा रामपुरको पहिचान, प्रबर्द्धन साथै खेलाडीहरुको उत्पादन भन्ने नारा सहित सुरु गर्न लागिएको यस खेलमा बाहिर जिल्लाबाट पनि सहभागी हुने जानकारी गराउनुहुँदै खेलका माध्यमबाट समाज र आफ्नो क्षेत्रलाई राष्ट्रिय र अन्तराष्ट्रिय क्षेत्रमा चिनाउने उद्धेश्य रहेको बताउनु भएको छ ।
इस्लामिक सक्रिय युवा समाजका अजिज आलमको स्वागतबाट सुरु भएको पत्रकार भेटघाटमा प्रचारप्रसार संयोजक रहिम मियाले खेलका बारेमा जानकारी गराउनुहुँदै प्रथम पुरस्कार नगद रु १ लाख, द्दितीय पुरस्कार नगद रु ५० हजार मेडल , प्रमाणपत्र रहेको जानकारी गराउनु भएको थियो । पत्रकार भेटघाट कार्यक्रमको संचालन अमिन सेखले गर्नु भएको हो ।
