२२ फागुन / २०७७ , शनिबार
परेवा खबर संवाददाता / पाल्पा – निस्दीमा जिप दुर्घटना हुँदा ४ जना घाइते भएका छन ।
निस्दी गाउँपालिका वडा नम्बर – ७ , ज्यामिरेको पोखरीछाप भन्ने ठाउँ नजिकै जिप दुर्घटना हुँदा चालक सहित ४ जना घाइते भएका हुन । घाइते हुनेहरूमा पुर्बखोला – ३ का २७ वर्षीय चालक शिशिर आचार्य , निस्दी -७ , का २६ वर्षीय चन्द्र सिंह सुनारी , निस्दी -७ कै २० वर्षीय दिल बहादुर सारु र निस्दी – ७ का १७ वर्षीय रेवन सिं आले रहेका छन ।
लु १ ज १७६२ नम्बरको जिप ज्यामिरेको मोटेखराक भन्ने ठाउँमा बिहेको दाइजो पुर्याउन गएर फर्किने क्रममा शनिबार बिहान करिब २ बजेतिर दुर्घटना भएको रुक्सेभन्ज्याङ प्रहरी चौकी मित्यालका प्रमुख डेढ बहादुर थापाले बताउनुभयो ।
जिप सडकबाट करिब २५ मिटर तल खसेको छ। घाइतेहरु मध्ये ३ जनाको युनाइटेड मिसन हस्पिटल तानसेनमा र रेवन सिं आलेको लुम्बिनी मेडिकल कलेज प्रभासमा उपचार भइरहेको प्रहरीले जनाएको छ।
तस्बिर – फाइल फोटो
प्रतिक्रिया
सम्बन्धित खवर
