काठमाडौं– रातिको समयमा गाडीमा पशुपति क्षेत्रको जङ्गलमा फोहर फाल्दै गरेका चालक कारबाहीमा परेका छन्।

आइतबार राति तिलगङगा–गुह्येश्वरी मार्गबाट बा२ख २६८८ नम्बरको ट्रकले विश्वसम्पदा सूचीमा सूचीकृत जङ्गल क्षेत्रमा फोहर फाल्न खोज्दा स्थानीय बासिन्दाले पक्राउ गरी महानगरीय प्रहरी वृत्त गौशालामा बुझाएका थिए। चालक सुदीप खड्का र सवारीलाई रातभर नियन्त्रणमा राखी कारबाहीका लागि वडा कार्यालयमा बुझाइएको प्रहरी नायब उपरीक्षक सुनील मल्लले बताए।

सवारी चालकलाई काठमाडौं महानगरपालिका–८ कार्यालयले आगामी दिनमा पशुपति क्षेत्रमा फोहर नफाल्ने सर्तमा ५ हजार जरिवाना गरी छोडिदिएको वडा अध्यक्ष दीनेश डङ्गोलले जानकारी दिए। चालकले बबरमहलबाट फोहर लगी पशुपति जङ्गलमा फाल्न खोजेका थिए।

ऐतिहासिक पशुपति जङ्गलको बीचबाट तिलगङ्गा–गुह्येश्वरी मार्ग खुलेपछि संयुक्त राष्ट्र सङ्घीय शैक्षिक, वैज्ञानिक तथा सांस्कृतिक सङ्गठन (युनेस्को)ले विश्व सम्पदाबाट हटाउने चेतावनी दिइसकेको छ।

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय