१४ फागुन / २०७७ , शुक्रबार

परेवा खबर संवाददाता / पाल्पा – रामपुरमा गए राती मोटरसाइकल दुर्घटना हुदा एक युवकको ज्यान गएको छ । रामपुर नगरपालिका वडा नम्बर ७ किसानबारीमा भएको दुर्घटनामा रामपुर ६ बिजयपुरका ३० बर्षका युवक सन्जु आलेको घटनास्थलमा नै ज्यान गएको प्रहरीले जनाएको छ ।
रामपुर ४ खोप्टार बाट विजयपुर घरतर्फ फर्कने क्रममा लु १३ प ६८१४ नम्बरको मोटरसाईकल किसानबारी पश्चिमको पुल नजिक ओरालोमा अनियन्त्रित भइ दुर्घटना भएको ईलाका प्रहरी कार्यालय रामपुरका प्रहरी निरिक्षक भिम बहादुर कार्कीले जानकारी दिनुभयो । राती ९ बजेतिर एकै ठाउमा मोटरसाइकलको लाइट बलिरहेको स्थानीयले देखेर हेर्न जादा दुर्घटना भएको थाहा भएपछी प्रहरीलाई खबर गरेका थिए ।
घटनाको विषयमा थप अनुसन्धान भैरहेको प्रहरीले जनाएको छ । उनको शवलाई पोष्टमार्टमका लागि रामपुर अस्पतालमा राखिएको छ ।