होम राई मगर
निस्दी,पाल्पा । मंसिर २८
निस्दी गाउँपालिका वडा नम्बर-६,अर्चले,पाल्पाको वडा कार्यालय भवनको शिलान्यास भएको छ ।
गाउँपालिका अध्यक्ष मुक्त बहादुर सारुले एक कार्यक्रमका बिच शिलान्यास गर्नुभएको हो ।
कार्यक्रममा बोल्दै अध्यक्ष सारुले वडा कार्यालयको भौतिक सुधारका लागि आफू जहिले पनि सकारात्मक रहेको बताउदै जनप्रतिनिधिले निर्णय गरेको योजना तथा कार्यक्रममा कर्मचारीले सहयोग गर्नुपर्ने बताउनुभयो । उहाँले अगाडि भन्नुभयो अर्चलेको बिकास गर्न स्थानीयबासी नै लाग्नुपर्ने भन्दै बिकास कार्यमा लाग्नुपर्नेमा जोड दिनुभएको थियो । कार्यक्रममा वडाध्यक्ष मेख बहादुर सुनारीले अर्चलेको खेलमैदानमा वडा कार्यालय बन्ने भएकोले अब तत्काल अर्को खेल मैदानको व्यवस्था गर्नुपर्ने बताउनुभयो । नयाँ स्वास्थ्य चौकी माथि रहेको खेल मैदानमा निर्माण हुने भवन गाउँपालिकाको ५० लाख रुपैयाँँको लागतमा निर्माण हुने भएको छ ।
वडाध्यक्ष मेख बहादुर सुनारीको अध्यक्षतामा भएको कार्यक्रमको सन्चालन वडा सचिव सावित्रा गैरेले गर्नुभएको हो ।