बन्दना पोखरेल रामपुर पाल्पा चैत्र १
रामपुर नगरपालिका वडा नं ६ पाल्पाले खेलाडि सम्मान कार्यक्रम गरेको छ । कार्यक्रममा मेयर कप २०७६ का उत्कृष्ट हुन सफल खेलाडीलाई सम्मान गरिएको छ । रामपुर नगरपालिका वडा नं ८ भुजात सिद्दबाबाधाममा वडा अध्यक्ष हुमनाथ न्यौपानेको अध्यक्षतामा एक कार्यक्रम गरि खेलाडीलाई सम्मान गरिएको छ । खेलाडि र राष्ट्रका लागि खेल अत्यन्त महत्वपूर्ण रहेको छ । जसले र्गदा स्वास्थ्य राम्रो हुने गर्छ भने समाज विकास र अनुसाशित सब्य समाज निर्माणमा योगदान समेत पुर्याउने र्गछ । यहि हौसला स्वरुप सम्मान कार्यक्रम राखिएको बडा अध्यक्ष न्यौपानेलो बताउनु भएको छ ।

वडा सदस्य यमबहादुर भुजेलको स्वागतबाट सुरु भएको कार्यक्रममा मुख्य पाहुना नगर प्रमुख रमणबहादुर थापा रहनुभएको हो । मुख्य पाहुना नगर प्रमुख थापाले खेललाई व्यवसायिक बनाउन आवश्यक रहेको बताउदै नगरले आवश्यकता अनुसार सहयोग गर्ने प्रतिबद्धता जाएर गर्नुभएको छ । वडा सल्लाहकार विष्णुमाया ढकालले धन्यवाद दिनुभएको कार्यक्रमको संचालन वडा सचिव बासुदेव ढकालले गर्नुभएको हो । कार्यक्रममा रामपुर नगरपालिकाका प्रमुख प्रशासकिय अधिकृत बाबुराम अर्याल, सल्लाहकार देवराज ढकाल, नगर खेलकुद विकास समिति संयोजक शंकरबहादुर खाण, पत्रकार प्रकाश नेपाल लगायतले बोल्दै शुभकामना दिनुभएको छ ।

विभिन्न विधाका खेलाडिलाई सम्मान गरिएको थियो । २० जना खेलाडिलाई सम्मान गरिएको कार्यक्रममा समाजका सामाजिक व्याक्तित्व र खेल प्रमि तथा खेल सम्योजकहरुको उपस्थिति रहेको थियो । स्मरण रहोस वडा न छ ले फुटवलमा प्रथम स्थान हासिल गरेको थियो भने । म्याराथोन दौड , भलिबल जस्ता खेल समेत प्रर्दशन गरेको थियो ।