काठमाडौँ,भदौ २५

नेपाल खेलकुद महासंघको तत्वावधान तथा राष्ट्रिय ब्याडमिन्टन संघको आयोजनामा नवौं संस्करणको योनेक्स सनराईज पुष्पलाल स्मृती राष्ट्रिय ब्याडमिन्टन प्रतियोगिता ईटहरीमा मंगलबारबाट सुरु भएको छ । प्रतियोगिताको प्रदेश नं. १ का मुख्य मन्त्री शेरधन राईले एक समारोहविच पानसमा द्विप प्रज्वलन गरि उद्घाटन गरे । उनले प्रतियोगिताको उद्घाटन गर्दै प्रदेश सरकारले प्रदेश १ लाई स्पोर्टस् हव बनाउने बताए । त्यसका लागि प्रदेशले ४० करोड छुट्याएको र ईटहरी रङ्गशालाको लागि एक करोड छुट्याएको बताए । पूर्वाञ्चलले ब्याडमिन्टनमा नम्बर एक खेलाडीहरुका साथै थुप्रै खेलाडी उत्पादन गरि सकेको भन्दै प्रदेश नं. एक खेलकुदलाई प्रार्थमिकतामा राखेर अगाडी बढ्ने बताए । मुख्य मन्त्री राईले आजै ब्याडमिन्टन कभर्डहलको उद्घाटन गरेका थिए ।

ईटहरीले यस अघि पनि यस प्रतियोगितालाई सञ्चालन गरिसकेको छ । सातौं संस्करण पनि ईटहरीलेनै आयोजना गरेको थियो ।

सोही उद्घाटन कार्यक्रममा बोल्दै प्रदेश १ का मन्त्री जीवन घिमिरेले यति ठुलो प्रतियोगिता पूर्वाञ्चलमा आयोजना गरेकोमा आयोजकलाई धन्यवाद सहित प्रतियोगिताको सफलताको कामना गरे । उनले प्रदेश सरकार खेलकुद विकासका लागि सदा तत्पर रहने बताए ।

प्रतियोगितालाई शुभकामना ब्यक्त गर्दै पूर्व सदस्य सचिव केशव कुमार बिष्टले ईटहरी रङ्गशालामा परिणत गर्नु पर्ने भन्दै एकै क्षेत्रमा विभिन्न खेलका मैदान र कभर्डहल भएको खेल क्षेत्र ईटहरी भएको बताए । उनले त्यसका लागि आफ्नो कार्यकालमा ७ करोड निकासा गरेको र त्यति रकमले मात्र यति ठुलो संरचना तयार गर्न असम्भव रहेको भन्दै ईटहरीबासीलाई संरचना निर्माणमा गरेको सहयोगका लागि धन्यवाद प्रदान गरे ।

50% LikesVS
50% Dislikes

प्रतिक्रिया

सम्बन्धित खवर

ताजा समाचार

लोकप्रिय